የእሳት ትንታግ ፍንጣሪ
የድል ዜማ ወገን አኩሪ
የክብር ጥግ ማማ
የደስታ ውበት ቄጤማ
የመስቀሉን ኃይል ከግሸን የጸበሉን በረከት ዘግና
ይኽው አየኋ በለንደን የእሳት ልጅ እሳት ሆና
የደም አዙሪት ምሬቱ
የእሳት ትግል ሽረቱ
እየፈላባት ሐሞቷ እየታገላት ሲቃ
ታቦቷን ከራሷ ሳይሆን ከደረቷ ላይ ደብቃ
ተሻገረችው ያንን ጉድ አስለቀሰችን ነፍርቃ
ጀመረች አግዥኝ ብላ
ድንግልን በደረቷ አዝላ
ታሪክ ናት ይኽች ማሪያም ለተማጸናት በብርቱ
ልጇን ላመነ በልቡ ፍቅሯን ላሰረ በአንገቱ
እረሳችና ድካሟን የልፋት ውጤት ወርቋን
ከፍ አደረገችው ስእሏን የድንግል ማርያምን ስሟን
ግሸን ሆነች አሉ ለንደን ተቀይራ
መሰረተ ህይወት ድንግል ተዘምራ
እምነት ከጉያ ውስጥ ድንገት ፈለቀና
ሃሌ ሃሌ ሆነ ድካም ተረሳና
የእኛ ርግብ አማኝቷ
የኢትዮጵያ ልጅ መሠረቷ
ቢላላባት ያሰረችው ቢበጣጠስ መቀነቷ
ተወራርዳ አሸነፈች በጌታ እናት ባዛኝቷ
መ/ር አቡኑ ማሞ
ዋሽንግተን ዲሲ
No comments:
Post a Comment